Այսօր մեկնարկող շախմատի ԱՄՆ-ի կանանց եւ տղամարդկանց առաջնություններում այդ երկրի չեմպիոնի կոչման համար կպայքարեն հայազգի երկու շախմատիստ:
Տղամարդկանց մրցաշարում, որին կմասնակցեն 12 շախմատիստ, հանդես կգա գրոսմայստեր Վարուժան Հակոբյանը: Նրա գլխավոր մրցակիցները կլինեն այնպիսի փորձառու շախմատիստներ, ինչպիսիք են Հիկարու Նակամուրան, Գատա Կամսկին, Յասեր Սեյրավանը:
Գրոսմայստեր Տաթեւ Աբրահամյանը կանանց առաջնության 10 մասնակիցների մեջ իր վարկանիշով զբաղեցնում է 5-րդ տեղը: Նա այդ ցուցանիշով զիջում է Աննա Զատոնսկիխին, Իրինա Կուշին, Կամիլա Բեգիսկայտեին եւ Սաբինա Ֆոյսորին:
Առաջնությունները կանցկացվեն շրջանաձեւ մրցակարգով: Հաղթողները հայտնի կդառնան մայիսի 19-ին:
