Բելգրադում շարունակվում է ըմբշամարտի Եվրոպայի առաջնությունը: Այսօր գորգ են մտել 55 կգ եւ 60 կգ քաշային ազատ ոճային ըմբիշները:
Մեր թեթեւքաշային Միհրան Ջաբուրյանը առաջին փուլում 2:1 հաշվով հաղթեց ադրբեջանցի Ղալիբ Ալիեւին եւ մտավ քառորդ եզրափակիչ, որտեղ ուժերը կչափի բելառուսցի Անդրեյ Կոմարի հետ:
Իսկ ահա 60 կգ քաշային Արթուր Առաքելյանը, 1/16-րդ եզրափակիչ փուլում հաղթեց լեհ Կշիշտոֆ Բիենկովսկուն` 2:0, սակայն երկրորդ մարտում պարտվեց ռումինացի Գեորգ Բուկուրին` 1:1, ընդհանուրը` 2:5, եւ ավարտեց ելույթները:
