Հայաստանի ձյուդոյիստները չեն մասնակցի վաղը Օբերվարտում (Ավստրիա) մեկնարկող կանանց եւ տղամարդկանց աշխարհի գավաթի խաղարկությանը:
Հայաստանի ձյուդոյի ֆեդերացիայից «Ա1+»-ի մարզական թղթակցին հայտնեցին, որ Հունգարիայի մայրաքաղաք Բուդապեշտ է մեկնել ֆեդերացիայի փոխնախագահ Դավիթ Խիթարյանը, որը մրցավարական քննություններ է հանձնելու A կարգի արտոնագիր ստանալու համար:
Ֆեդերացիայից հայտնեցին, որ մեր ձյուդոյիստները պատրաստվում են հանդես գալ փետրվարի 18-19-ին Դյուսելդորֆում (Գերմանիա) կայանալիք «Մեծ մրցանակի» մրցումներին: Մեր հավաքականի գլխավոր մարզիչ Ադրիան Կրիոտարիուին մտադիր է այդ մրցաշարին հայտավորել 8 ձյուդոյիստի:
