Բուլղարիայի մայրաքաղաք Սոֆիայում անցկացվող ընբշամարտի միջազգային մրցաշարի առաջին օրը մեր ըմբիշները նվաճեցին երկու մեդալ:
55 կգ քաշային Գեղամ Բաբախանյանը ազատ ոճայինների մրցումներում հաղթահարելով նախնական արգելքները, մտավ եզրափակիչ, սակայն վճռորոշ մարտում զիջեց ռուսաստանցի Վլադիսլավ Պետրովին:
Այս քաշային կարգում հանդես եկած Միհրան Ջաբուրյանը կիսաեզրափակիչում պարտվեց նույն Վլադիսլավ Պետրովին։ Իսկ սփոփիչ մրցամարտում մեր ըմբիշը հաղթեց մոլդովացի Անատոլի Բարույանին եւ գրավեց երրորդ տեղը:
Նույն օրը մրցագորգ մտած մեր մնացած 6 ըմբիշները անհաջող հանդես եկան եւ ժամանակից շուտ ավարտեցին ելույթները:
Այսօր եւ վաղը մրցումները կշարունակվեն մնացած 10 քաշային կարգերում:
