Փետրվարի 22-ին`ժամը 16.25-ին ահազանգ է ստացվել, որ Երևան քաղաքի Մամիկոնյանց փողոցի թիվ 3 շենքի 10-րդ բնակարանի բնակիչը չի արձագանքում դռան և հեռախոսի զանգերին. անհրաժեշտ է փրկարարների օգնությունը:
Դեպքի վայր է մեկնել փրկարարական ուժերի վարչության հատուկ փրկարարական ջոկատի հերթապահ խումբը:
Փրկարարները բացել են բնակարանի դուռը. հյուրասենյակի հատակին հայտնաբերվել է 1933 թվականին ծնված Ռիմա Սուվարյանը` անօգնական վիճակում, ձեռքի կոտրվածքով:
Փրկարարները պատգարակով իջեցրել են Ռ.Սուվարյանին, ում շտապօգնության բրիգադը տեղափոխել է «Սուրբ Գրիգոր Լուսավորիչ» բժշկական կենտրոն:
Տեղափոխվել է հիվանդանոց
Նույն օրը ահազանգ է ստացվել, որ Երևան քաղաքի Բաղյան փողոցի 2-րդ նրբանցքի թիվ 2 շենքի 1-ին բնակարանի բնակիչը չի արձագանքում դռան և հեռախոսի զանգերին. անհրաժեշտ է փրկարարների օգնությունը:
Դեպքի վայր է մեկնել փրկարարական ուժերի վարչության հատուկ փրկարարական ջոկատի հերթապահ խումբը:
Փրկարարները բացել են բնակարանի դուռը. հյուրասենյակում` բազմոցին, անօգնական վիճակում հայտնաբերվել է 1956 թվականին ծնված Կարապետ Խաչատրյանը, ում շտապօգնության բրիգադը տեղափոխել է «Սուրբ Գրիգոր Լուսավորիչ» բժշկական կենտրոն:
Ավտոբուսն այրվել է
Փետրվարի 22-ին`ժամը 08.02-ին ահազանգ էր ստացվել, որ Արմավիր քաղաքի Երևանյան փողոցում այրվում է ավտոբուս:
Այրվում էր Ս.Հարությունյանին պատկանող «ԼԱԶ» մակնիշի 29 ԼԼ 115 պետհամարանիշի ավտոբուսի սրահը:
Ամբողջությամբ այրվել է ավտոբուսի սրահը:
Այս մասին հայտնում է ԱԻՆ մամլո ծառայությունը
