Այսօր՝ փետրվարի 13-ին, ժամը 15:00-ից 16:00-ն ընկած ժամանակահատվածում իրականացվելու է «Երևանի Ջերմաէլեկտրակենտրոն» ՓԲԸ-ի 55 մետր բարձրությամբ աշտարակի պայթեցումը։ Այս մասին հայտնում է ԱԻՆ մամլո ծառայությունը։
ՀՀ Արտակարգ իրավիճակների նախարարին էր դիմել «Երևանի Ջերմաէլեկտրակենտրոն» ՓԲԸ տնօրենը և խնդրել համապատասխան թույլտվություն` պայթեցման միջոցով ապամոնտաժելու 55 մետր բարձրությամբ թիվ 4 հովացման աշտարակը, ինչի կապակցությամբ տրվել է ԱԻ նախարարի թույլտվությունը:
Ի դեպ, պայթյունի աղմուկից բացի, կառաջանա նաև փոշու ամպ։
