Անտառային մոնիտորինգի պետական կենտրոնն արձագանքեց Հանքավանի անտառում մասսայական հատումների մասին «ԷկոԼուր»-ի ահազանգին:
Կենտրոնի օպերատիվ ստուգումների արդյունքում պարզվել է, որ հատվել է 42 ծառ` 28 սոճի, 9 կեչի եւ 5 կաղնի: Նյութերը փոխանցվել են ՀՀ բնապահպանության նախարարության բնապահպանական պետական տեսչությանը:
Ի դեպ, Հանքավանի անտառը պաշտոնական փաստաթղթերում անտառ չի համարվում եւ արոտավայրի եւ գյուղատնտեսական հողերի կարգավիճակով տրվել է Հանքավան համայնքին: 2006թ. այդ տարածքները վաճառվել են անհայտ անձանց:
