Հրաձգային դասակի հրամանատար, հենակետի ավագ, լեյտենանտ Արտակ Սինարի Նազարյանը իրեն ամրակցված մարտական զենքից ինքն իրեն հասցրել է հրազենային մահացու վիրավորում:
Այս մասին հայտնում է ՀՀ ՊՆ տեղեկատվության և հասարակայնության հետ կապերի վարչությունը: Դեպքը տեղի է ունեցել հուլիսի 27-ին' ժամը 08.00-ի սահմաններում, ՀՀ Տավուշի մարզի Չինարի գյուղի մերձակայքում գտնվող մարտական հենակետում:
Կատարվում է հետաքննություն:
Չնայած սրանք նախնական տվյալներ են, սակայն 31-ամյա երիտասարդի հարազատները չեն հավատում ինքնասպանության վարկածին: Մայրը լրատվամիջոցներից մեկին հայտնել է, որ որդին խնդիրներ է ունեցել սպաների հետ:
Արտակ Նազարյանը լրագրող Ծովինար Նազարյանի եղբայրն է: Ցավակցում ենք նրան ու նրա հարազատներին:
