Հարկադիր կատարողները նախորդ երկու օրերին առգրավվել են ՙԱրտյոմ-Արտուշ եղբայրներ՚ ՍՊԸ-ին պատկանող, բանկում գրավադրված 28 ավտոմեքենա: Դրանք շահագործվում էին երկու տաքսի-սերվիսներում:
Հարկադիր գործողություններն իրականացվել են 2009թվականի դեկտեմբերի 22-ին Ավան եւ Նոր-Նորք ընդհանուր իրավասության դատարանից ստացված կատարողական թերթի հիման վրա հարուցված գործի շրջանակներում:
Ըստ ԴԱՀԿԱԾ մամուլի քարտուղար Ռուբեն Գրդզելյանի` այն նախատեսում է ՙԱրտյոմ-Արտուշ եղբայրներ՚ ՍՊԸ-ից հոգուտ ՙԱրդշինինվեստբանկ՚ ՓԲԸ-ի բռնագանձել 123 միլիոն դրամ:
Նաև արգելանք է կիրառվել 6 միավոր անշարժ գույքի նկատմամբ, որոնց թվում են բնակարաններ եւ առանձնատներ:
Հայտնաբերվել են ևս 12 տրանսպորտային միջոց, սակայն ոչ սարքին լինելու պատճառով դրանք չեն տեղափոխվել ծառայության տարածք: Արգելանքի տակ գտնվող և առգրավված գույքը սահմանված կարգով օտարվելու է հարկադիր էլեկտրոնային աճուրդով:
