Արգենտինահայ թենիսիստ Դավիթ Նալբանդյանը իր երկրի հավաքականի կազմում կմասնակցի 2010 թ Դեւիսի գավաթի խաղարկության Ֆրանսիայի ընտրանու հետ կիսաեզրափակիչ հանդիպմանը:
Ինչպես տեղեկացնում են արգենտինական լրատվամիջոցները, թենիսի Արգենտինայի հավաքականի ավագ Մոդեստո Վասկես Տիտոն թիմ է հրավիրել 5 թենիսիստի: Դավիթ Նալբանդյանը եւ Խուան Մոնակոն հանդես կգան մենախաղերում, իսկ Էդուարդո Շվանկը եւ Օսորիո Սեբալյոսը` զուգախաղում: Երիտասարդ թենիսիստ Ֆեդերիկո Դել Բոնիսը նրանց կօգնի մարզումների ժամանակ` որպես «խորհրդանշական մրցակից»:
Նշենք, որ Դեւիսի գավաթի Ֆրանսիա - Արգենտինա կիսաեզրափակիչ հանդիպումը կկայանա Լիոնում, սեպտեմբերի 17-19-ին:
© «A1Plus.am».Լրատվությունը արտատպելիս, ամբողջական կամ մասնակի օգտագործելիս` հղումը «A1Plus.am»-ին պարտադիր է: