«Բարգավաճ Հայաստան»-ը ՀՀԿ-ի հետ կոալիցիա չկազմելով հստակ պատկերացնում էր, թե ինչ է իրեն սպասվում: Վստահ է քաղաքագետ Սերգեյ Մինասյանը։ Նա այս ենթատեքստում է դիտարկում Վարդան Օսկանյանի հիմնադրած Սիվիլիթասի դեմ հարուցված քրեական գործը:
Քաղաքագետի կարծիքով հենց դա էր պատճառը, որ կոալիցիա կազմել-չկազմելու հարցում ԲՀԿ-ական գործարարները տարբեր տեսակետներ ունեին. «Բիզնեսը միշտ ցանկանում է լինել իշխանական կառույցների հետ»։
Սերգեյ Մինասյանը համոզված է, որ ԲՀԿ-ի հետ կոալիցիա կազմելու վերաբերյալ բանակցությունները կվերսկսվեն կրկին աշնանը՝ 2013թ նախագահական ընտրություններին ընդառաջ:
«Դա ունի սկզբունքային նշանակություն հանրապետական ղեկավարության համար, իսկ Բարգավաճի համար, եթե նա համաձայնի, հնարավորություն կտա ստանալ ավելի լծակներ, ավելի նպաստավոր իրավիճակ կլինի»,-ասաց քաղաքագետը։
Իսկ մինչ այդ, ըստ քաղաքագետի, ԲՀԿ-ի նկատմամբ ճնշումները կշարունակվեն տարբեր դրսեւերումներով։
