ԲՀԿ համամասնական ցուցակի 2-րդ հորիզոնականը զբաղեցնող նախկին արտգործնախարար Վարդան Օսկանյանը տեղյակ չէ` ինչ որոշում է կայացրել ԲՀԿ-ն` ՀՀԿ-ի հետ կոալիցիա կազմո՟ւմ է, թե՟ ոչ:
«Ես որեւէ որոշումից տեղյակ չեմ : Որեւէ նորություն չունեմ»,- մեր թղթակցի հարցին ի պատասխան ասաց նախկին ԱԳ նախարարը:
Հայտնի է, որ նա կտրականապես դեմ է արտահայտվել խորհրդարանում մեծամասնություն ունեցող ՀՀԿ-ի հետ կոալիցիա կազմելուն, սակայն ԲՀԿ-ի մի հատվածը կողմ է նախարարական պորտֆելներ վերցնելուն:
Վաղը ՀՀԿ գործոմի նիստում Սերժ Սարգսյանը հայտարարելու է` կոալիցիա լինելո՟ւ է , թե՟ ոչ եւ ինչ պայմաններով է լինելու:
Ի դեպ` Հանրապետականի համամասնական ցուցակով առաջադրվածները վաղը սպասում են իրենց «դատավճռին», Սերժ Սարգսյանը հայտարարելու է` ՀՀԿ ցուցակից ով է գնալու խորհրդարան, ով ոչ: Իրենք` ՀՀԿ համամասնական ցուցակով առաջադրվածները դեռ հստակ չգիտեն` լինելու են խորհրդարանում, թե ոչ:
