Այսօր՝ Հայրենիքի պաշտպանի օրը, Մոսկվայում կգրանցվի բազմակուսակցական հանրահավաքների ռեկորդային քանակություն։
Նախատեսված է արտոնված 5 զանգվածային հանրահավաքներ, ավելի քան 200 հազար քաղաքացիների մասնակցությամբ,- տեղեկացնում է «Новости» գործակալությունը։
Զանգվածային միջոցառումներ անցկացնելու հայտ են ներկայացրել ՌԿԿ-ն, ՌԼԴԿ-ն, «Արդարացի Ռուսաստանը»-ը, Պուտինին աջակցող մի խումբ քաղաքացիներ՝ մեր հայրենակից Սերգեյ Կուրղինյանի գլխավորությամբ և մեկ այլ խումբ՝ Պուտինի նախընտրական շտաբի ղեկավար Ստանիսլավ Գովորուխինի ղեկավարությամբ։
BBC-ն կանխատեսում է, որ Պուտինին աջակցող հանրահավաքները ամենամարդաշատն են լինելու։ Կազմակերպիչների հաշվարկներով՝ առնվազը 100 հազար մարդ կմասնակցի այսօր նախատեսված հանրահավաքներին։
Ամենայն հավանականությամբ, օրվա հետոսը՝ Վլադիմիր Պուտինը կմասնակցի «Լուժնիկի»-ում կայանալիք հանրահավաքին։ Այդ մասին հայտնել է վարչապետի մամլո խոսնակ Դմիտրի Պեսկովը։
«Եդինայա Ռոսիայից» հայտնել են, որ իրենք էլ են մասնակցելու Պուտինին աջակցող հանրահավաքներին։ Կուսակցության խմբակցության ղեկավար Անդրեյ Վորոբյովը հերքել է այն լուրերը, թե «Եդինայա Ռոսիայան» գաղտնի աշխատանքներ է տանում պուտինյան հանրահավաքի մասնակիցներին ապակողմնորոշելու ուղղությամբ, որպեսզի վերջիններս հիասթափվեն և չմասնակցեն ակցիաներին։
