Սերժ Սարգսյանը հրամանագիր է ստորագրել Մուրադ Մուրադյանին Իրաքի Հանրապետությունում Հայաստանի Հանրապետության արտակարգ եւ լիազոր դեսպան նշանակելու մասին /նստավայրը` Բաղդադ/:
Հայտնում են Նախագահի մամուլի ծառայությունից:
ՄՈՒՐԱԴ ՄՈՒՐԱԴՅԱՆ
Ծնվել է 1962թ. հունիսի 15-ին Գեղարքունիքի մարզի Ծովասար գյուղում:
Կրթություն`
1981-1986թթ. սովորել եւ ավարտել է ՀՀ գյուղատնտեսական ինստիտուտի տնտեսագիտության ֆակուլտետը:
1988-1991թթ. սովորել եւ ավարտել է ՌԴ Տիմիրյազեւի անվան ակադեմիայի ասպիրանտուրայի ցերեկային բաժինը:
1992թ. պաշտպանել է թեկնածուական թեզ եւ ստացել է Տնտեսական գիտությունների թեկնածուի գիտական աստիճան:
Մոսկվայի Լոմոնոսովի անվան համալսարանի դոկտորանտ է:
Աշխատանքային գործունեությունը`
1979-1981թթ. աշխատել է Մարտունու Շինտրեստում:
1992թ. Մոսկվայում հիմնել է ԲԱՄՕ ընկերությունը:
1999թ. պարգեւատրվել է "ՌԴ պատվավոր շինարար"շքանշանով:
2005թ.-ից Երեւանի Մարզահամերգային համալիրի խորհրդի նախագահն է:
Մի շարք հասարակական-տնտեսական կազմակերպությունների հոգաբարձուների խորհրդի անդամ է:
Մուրադ Մուրադյանն անձնական եւ մասնագիտական հաջողությունների համար արժանացել է Հայաստանի Հանրապետության եւ Ռուսաստանի Դաշնության շնորհակալագրերին եւ պատվոգրերին:
2009թ. մշակութային արժեքների պահպանության գործում մեծ ներդրում ունենալու համար դարձել է «Մշակութային ժառանգություն» անվանակարգի Ազգային մրցանակի դափնեկիր:
Մուրադ Մուրադյանը հանդիսանում է տնտեսության հարցերին վերաբերող բազմաթիվ հոդվածների եւ հրապարակումների հեղինակ:
ՀՀ Նախագահ Սերժ Սարգսյանի 2010թ. սեպտեմբերի 7-ի հրամանագրով նշանակվել է Իրաքի Հանրապետությունում Հայաստանի Հանրապետության արտակարգ եւ լիազոր դեսպան:
