Մարտի 3-ի լույս 4-ի գիշերը և օրվա ընթացքում ղարաբաղա-ադրբեջանական զորքերի շփման գոտու մի շարք հատվածներում արձանագրվել են հրադադարի ռեժիմի խախտման դեպքեր:
Հակառակորդը փոքր տրամաչափի հրաձգային զենքերից և դիպուկահար հրացաններից գնդակոծել է Քյուրդլար, Հորադիզ, Չախրլը, Աշաղը Սեյիդահմեդլի, Կորգան, Աշաղը Վեյսալի, Մուղանլը, Մարզիլի, Շխլար, Բաշ Քարվենդ, Սարըջանլու, Սեյսուլան, Յարըմջա, Լևոնարխ, Ջրաբերդ և Թալիշ ուղղություններում տեղակայված ղարաբաղյան դիրքապահների հենակետերը:
Պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռել է:
Տեղեկացնում է ԼՂՀ պաշտպանության նախարարության մամուլի ծառայությունը:
