Հայաստանի ազգային անվտանգության ռազմավարությանը եւ Հայաստան-ՆԱՏՕ անհատական գործընկերության գործողությունների ծրագրին համահունչ կմշակվի քաղաքացիական պաշտպանության ազգային հայեցակարգ:
Հայեցակարգի մշակման միջգերատեսչական աշխատանքային խմբի' նոյեմբերի 27-ի նիստում, որը վարել է Ազգային անվտանգության խորհրդի քարտուղար Արթուր Բաղդասարյանը, որոշվել է 2010 թվականի մայիսին հայեցակարգը ներկայացնել Ազգային անվտանգության խորհրդի հաստատմանը:
Հայեցակարգի ընդունումը ենթադրում է քաղաքացիական պաշտպանության ներկա վիճակի գնահատում, միջազգային չափանիշներին համապատասխան քաղաքացիական պաշտպանության համակարգի ձեւավորում, ճգնաժամային կառավարման ոլորտի կարողությունների ընդլայնում:
Մայրաքաղաքում կստեղծվի ճգնաժամային կառավարման տարածաշրջանային կենտրոն, որը հետագայում կունենա նաեւ մարզային ստորաբաժանումներ:
Հայտնում է Ազգային անվտանգության խորհրդի քարտուղարի մամուլի գրասենյակը:
