Շվեյցարիայի արտաքին գործերի դաշնային դեպարտամենտը, Հայաստանի եւ Թուրքիայի արտաքին գործերի նախարարությունների մամլո հաղորդագրությունը
''Հայաստանի Հանրապետությունը եւ Թուրքիայի Հանրապետությունը համաձայնեցին սկսել ներքին քաղաքական խորհրդակցություններ` շվեյցարական միջնորդությամբ իրականացվող բանակցությունների ընթացքում նախաստորագրված հետեւյալ երկու արձանագրությունների շուրջ. ՙԱրձանագրություն երկու երկրների միջեւ դիվանագիտական հարաբերությունների հաստատման մասին՚ եւ ՙԱրձանագրություն երկկողմ հարաբերությունների զարգացման մասին՚:
Հիշյալ երկու Արձանագրությունները սահմանում են խելամիտ ժամկետում երկկողմ հարաբերությունների կարգավորման շրջանակ:
Ներքին քաղաքական խորհրդակցությունները կավարտվեն վեց շաբաթվա ընթացքում, որից հետո երկու Արաձանագրությունները կստորագրվեն եւ կներկայացվեն համապատասխան խորհրդարաններին` վավերացման համար: Երկու կողմերը կգործադրեն իրենց առավելագույն ջանքերը վավերացման արագ առաջընթացի համար` համաձայն իրենց սահմանդրական եւ օրենսդրական գործընթացների:
Երկկողմ հարաբերությունների կարգավորումը կնպաստի տարածաշրջանային խաղաղությանն ու կայունությանը:
Հայաստանի Հանրապետությունը եւ Թուրքիայի Հանրապետությունը հանձն են առնում շարունակել համատեղ ջանքերը Շվեյցարիայի օժանդակությամբ:''
Այս հաղորդագրությունը քիչ առաջ տարածել է Հայաստանի արտաքին գործերի նախարարությունը
