ԲԵՐԵԶՈՎՍԿԻՆ ԷԼ ՉԻ ՄԱՍՆԱԿՑԻ
Աջակցիր «Ա1+»-ինԱյսօր ժամը 21:00-ին, Վազգեն Սարգսյանի անվան «Հանրապետական» մարզադաշտում կկայանա Հայաստան - Ֆինլանդիա ընտրական հանդիպումը: Հայաստանի հավաքականը կազմի հետ կապված լուրջ խնդիրներ ունի:
Ինչպես հայտնի է, ֆինների հետ հանդիպմանը չեն մասնակցելու Արման Քարամյանը, Հարություն Վարդանյանը եւ Արթուր Ոսկանյանը:
Այս ֆուտբոլիստների շարքը համալրել է նաեւ հավաքականի հիմնական դարպասապահ Ռոման Բերեզովսկին, որը, թվում էր,թե վնասվածքից հետո, վերականգնել է առաողջությունը,սակայն պարզվեց, որ նա չի կարողանա օգնել մեր թիմին:
Ռոմանը չի մասնակցել նաեւ Մակեդոնիայի հավաքականի հետ կայացած առաջին մրցավեճին, որում հայ ֆուտբոլիստները պարտվեցին 0:3 հաշվով:
Այսպիսով Հայաստանի հավաքականի դարպասը կրկին կպաշտպանի Արման Համբարձումյանը, որը հանդես է գալիս բուլղարական «Սլավիա» ակումբում:
Իսկ ահա այսօր ժամը 16:00-ին Երեւանի «Նարիրի» մարզադաշտում կմրցեն Հայաստանի եւ Ֆինլանդիայի երիտասարդական հավաքականները:
