ՖԻՆՆԵՐԸ ՖԻԶԻԿԱՊԵՍ, ՄԵՆՔ ՏԵԽՆԻԿԱՊԵՍ
Աջակցիր «Ա1+»-ինՀայաստանի հավաքականը շարունակում է նախապատրաստվել սեպտեմբերի 8-ին կայանալիք Ֆինլանդիայի հավաքականի հետ հանդիպմանը:
Այսօր հավաքականի ֆուտբոլիստներ Արթուր Պետրոսյան, Ռոմիկ Խաչատրյանը, Արտավազդ Քարամյանը եւ Եղիշե Մելիքյանը մամուլի ասուլիս էին հրավիրել:
Հայ ֆուտբոլիստները նշեցին, որ ներկայումս լավ մարզավիճակում են եւ պատրաստ են ֆինների հետ հանդիպմանը: Հավաքականի խաղացողների կարծիքով, Ֆինլանդիան ֆիզիկապես լավ պատրաստված թիմ է, սակայն Հայաստանի ազգային թիմը նրանց գերազանցում է տեխնիկական պատրաստվածությամբ:
Արթուր Պետրոսյանը եւ Ռոմիկ Խաչատրյանն էլ դժգոհ էին, որ սխալ է մեկնաբանվել այն փաստը, թե իբր նրանք Մակեդոնիա - Հայաստան (3:0) ընտրական առաջին հանդիպումից հետո բարձր տրամադրությամբ հյուրանոցում կատակել են: Ֆուտբոլիստները նշեցին, որ այդ ձախողված հանդիպման ավարտից հետո նրանք անմիջապես գնացել են օդանավակայան: