ԵՐԹ Ի ՊԱՇՏՊԱՆՈՒԹՅՈՒՆ ՔԱՂԱՔԱԿԱՆ ԲԱՆՏԱՐԿՅԱԼՆԵՐԻ
Աջակցիր «Ա1+»-ինԱյս պահին հանրահավաքի մասնակիցները` ընդդիմության առաջնորդների գլխավորությամբ երթի են դուրս եկել. մոտավոր պատկերացում տալու համար, թե որքան մարդ է մասնակցում երթին, նկատենք, որ երթի սկիզբն արդեն Կորյունի փողոցում է /Մատենադարանի մոտ/, իսկ վերջը դեռ Մոսկովյան փողոցում:
Երթի մասնակիցները պահանջում են ազատ արձակել քաղբանտարկյալներին. նրանց ձեռքում է Վաղարշակ Հարությունյանի, Արամազդ Զաքարյանի, Սուրեն Սուրենյանցի նկարներով պաստառներ:
ԱԱ մեկուսարանի մոտ վանկարկեցին եւ պահանջեցին ազատ արձակել այդ շենքում այժմ գտնվող քաղաքական գործիչների, դադարեցնել քաղաքական հետապնդումները: Հատկանշական է, որ ոստիկանության աշխատակիցները ուշադրությամբ հետեւում էին ցուցարաներին, նրանցից ոմանք նույնիսկ լուսանկարում էին։
Երթն ավարտվեց Ազատության հրապարակում, որը թերեւս հենց ազատություն է խորհրդանշում:
Հանրահավաքի կազմակերպիչները տեղեկացրեցին, որ մարդիկ հեռանան հրապարակից խումբ-խումբ, որպեսզի առեւանգումներ չլինեն, թեեւ չբացառեցին հնարավոր ձերբակալությունները։