A
A
ԲԵՐՄԱՆ ԵՆ ԵՆԹԱՐԿՎԵԼ ԵՐԿՈՒ ՊԱՏԳԱՄԱՎՈՐ
Աջակցիր «Ա1+»-ին«Այսօր ԱԺ պատգամավոր Վարդան Մկրտչյանին տարել են Շահումյանի ոստիկանություն»,- այսօր ՀԺԿ գրասենյակում հրավիրած ասուլիսում տեղեկացրեց ԱԺ պատգամավոր, «Արդարություն» խմբակցության քարտուղար Վիկտոր Դալլաքյանը։
Վերջինս տեղեկացրեց, որ ոստիկանությունում պարոն Մկրտչյանին ասել են. «Պետք է էստեղ սպասեք, ձեր հետ զրույց պիտի տեղի ունենա»։
Նույնը, ըստ պարոն Դալաքյանի, տեղի է ունեցել դաշինքի մեկ այլ անդամի` ԱԺ պատգամավոր Թաթուլ Մանասերյանի նկատմամբ։
«Շինծու վրաերթի կասկածանքով նրա մեքենան տարել են ոստիկանություն», - տեղեկացրեց Վիկտոր Դալլաքյանը։
Ասուլիսի վերջում հայտնի դարձավ, որ Թաթուլ Մանասերյանին բաց են թողել։