ՄԱՄՈՒԼԻ ԱՍՈՒԼԻՍ ՍՏՐԱՍԲՈՒՐԳՈՒՄ
Աջակցիր «Ա1+»-ինՄինչ խորհրդարանական վեհաժողովի բացումը, այսօր տեղի ունեցավ ԵԽԽՎ նախագահ Պիտեր Շիդերի մամուլի ասուլիսը:
Նա ներկայացրեց 2003թ տեղի ունեցած լավ եւ վատ իրադարձությունները, լավերից` մահապատժի վերացումը, Սադամ Հուսեյնի ձերբակալությունը, իսկ վատերից` ահաբեկչությունը, մարդու իրավունքների ոտնահարումը, մամուլի ազատության սահմանափակումները:
Պիտեր Շիդերը տեղեկացրեց, որ նստաշրջանում քննարկվելու է Հարավային Կովկասի իրավիճակը: Վաղը քննարկվելու է, թե ինչպես է 2001թ. սկսած Հայաստանը կատարում ԵԽ-ի առջեւ ստանձնած պարտավորությունները:
Մամուլի ասուլիսում հատկապես ակտիվ էր Վրաստանի պատվիրակությունը: Սպասվում է Վրաստանի նորընտիր նախագահի այցը Ստրասբուրգ, եւ վրացի լրագրողները մեկը մյուսի ետեւից հարցեր էին ուղղում պարոն Շիդերին` ճշտելու, օրինակ` թե ինչ խորհուրդ կտար նա Միխաիլ Սահակաշվիլուն, ի՞նչ ապագա ունի Վրաստանը, ինչպես կօգնի լուծելու Աբխազիայի խնդիրը եւ այլն:
ԵԽԽՎ նախագահը հակամարտությունների վերաբերյալ հարցերինբ մանրամասն չանդրադարձավ` պատճառաբանությամբ, որ դրանց մասին կլինեն զեկույցներ, կքննարկվեն, եւ հույս հայտնեց, որ բոլոր հակամարտությունները խաղաղ լուծում կստանան :
