Փոստանջյանին տեղափոխել են «Նուբարաշեն»
Այսօր առավոտյան ժամը 10-ին պատգամավոր Զարուհի Փոստանջյանը գնացել է Երևանի Կենտրոն քրեակատարողական հիմնարկ` ԱԱԾ շենք:
Այստեղ նա տեղեկացել է, որ իր եղբայրն այնտեղ է և փոխանցել է եղբոր հագուստները:
Պահանջել է մուտք գործել մեկուսարան, սակայն նրան կրկին արգելել են:
Ժամը 11.30-ին այդ հիմնարկի պետ Զաքարյանը զանգահարել է Զարուհի Փոստանջյանին և հայտնել, որ նա կարող է մուտք գործել մեկուսարան:
Զարուհի Փոստանջյանն այդ հեռախոսազանգից հետո գնացել է մեկուսարան և տեղեկացել, որ իր եղբորը` Տիգրան Փոստանջյանին, այսօր ժամը 11.30-ին, համաձայն ԱԱԾ քննչական վարչության 01.03.2011, # 81536 գրության տեղափոխել են «Նուբարաշեն» ՔԿՀ:
Փաստաբան Հայկ Ալումյանն այս տեղափոխումը մեկնաբանում է որպես Տիգրան Փոստանջյանի նկատմամբ «Նուբարաշեն» ՔԿՀ-ի քրեական տարրերի միջոցով ճնշում գործադրելու փորձ: