ՃԱՆԱՉԵՆՔ ՄԵՐ ԲԱՐԵԳՈՐԾՆԵՐԻՆ
Աջակցիր «Ա1+»-ինՆոյեմների 12-14 կառավարության նստավայրում կանցկացվի միջազգային ցուցահանդես «Աջակցման եւ զարգացման ծրագրեր ՀՀ-ում» թեմայով։
Ցուցահանդեսին մասնակցում են 20 տեղական եւ միջազգային այնպիսի հայտնի կազմակերպություններ, ինչպիսիք են ԱՄՆ Միջազգային Զարգացման Գործակալութոյւնը, ՄԱԿ-ը, ՍՈՐՈՍ-ը, Թուֆենկյան հիմնադրամը, Կարմիր Խաչը եւ այլն։
Այս կազմակերպությունները ներկայացրել են 30-ից ավելի զարգացման ծրագրեր։
Ցուցահանդեսի կազմակերպիչներից մեկը, առեւտրաարդյունաբերկան պալատի նախագահ Մարտին Սարգսյանը նշեց, որ ցուցահանդեսի նպատակն է ցույց տալ բարեգործական կազմակերպությունների ծրագրերը, որոնք հանրությանը այնքան էլ ծանոթ չեն։
«Սա ինչ-որ տեղ իրենց աշխատանքի գնահատումն է, որպեսզի իրենք զգան, որ իրենց աշխատանքը Հայաստանում գնահատված է», - ասում է պ-ն Սարգսյանը։