ԼՈՌԻ ԹԻՎԻ-Ն ՀԱՂԹԵՑ
Աջակցիր «Ա1+»-ինՀեռուստատեսության եւ ռադիոյի ազգային հանձնաժողովում որոշվեցին մարզերում երեք կապուղիներով հեռարձակման համար արտոնագրման մրցույթի հաղթողները։ Հանձնաժողովը մրցույթ էր հայտարարել 5 կապուղիների համար։
Վանաձորի 2-րդ մետրային կապուղու համար հայտ էին ներկայացրել «Մեդիասոֆթ» եւ «Լոռի ԹիՎի» ընկերությունները։ Քվեարկության արդյունքնում «Մեդիասոֆթը» ստացավ 13 վարկանիշային միավոր, «Լոռի ԹիՎի»-ին՝ 14։ Հանձնաժողովի նախագահ Գրիգոր Ամալյանը երկու ընկերության առաջարկն էլ «1» էր գնահատել։ Հաղթող ճանաչվեց «Լոռի ԹիՎի»-ին։
Նոյեմբերյանի 12-րդ մետրային կապուղու համար առաջարկ էր ներկայացրել միայն «Քամուտ» հեռուստաընկերությունը, Սեւանի 21-րդ դեցիմետրային կապուղու համար՝ «Գ. Ա. Լ. եւ ընկերներ» կամ STV1 հեռուստաընկերությունը։ Երկու կայաններն էլ հեռարձակման արտոնագիր ստացան։
Մրցույթի էր ներկայացվել եւս երկու կապուղի՝ Հրազդանի 31-րդը եւ Եղեգնաձորի 21-րդը, մնացին թափուր։ Դրանցով հեռարձակվելու համար որեւէ ընկերություն առաջարկ չէր ներկայացրել։