Դիվերսանտ ադրբեջանցուն հերոսացրին
Աջակցիր «Ա1+»-ինԱդրբեջանի նախագահ Իլհամ Ալիեւն այսօր հերոսի կոչում է շնորհել Մուբարիզ Աղաքերիմօղլու Իբրահիմովին, ով հունիսի 18-ին Չայլու գյուղի մերձակայքում հայկական դիրքերի վրա հարձակված ադրբեջանական դիվերսիոն խմբի զոհված ենթասպա է:
Հիշեցնենք, որ հունիսի 18-ին հայ-ադրբեջանական սահմանն անցած ադրբեջանցիներին հաջողվել էր թափանցել ղարաբաղա-ադրբեջանական զորքերի շփման գոտու հյուսիսարևելյան հատված:
Տեղի է ունեցել դիմահար մերձամարտ, որի արդյունքում ադրբեջանցիները հետ են քաշվել թողնելով Իբրահիմովի դիակը: Հայկական կողմից զովել էր չորս, վիրավորվել եւս չորս զինծառայող:
Ադրբեջանցի ենթասպայի դիակը մինչ օրս հայկական կողմում է եւ ըստ ՀՀ ՊՆ-ի ` Բաքուն առայսօր այն վերադարձնելու դիմում չի ներկայացրել:
Իբրահիմովին հերոսի կոչումը շնորհելիս` Իլհամ Ալիեւը հայտարարել է, թե այն տրվում է բացառիկ ծառայությունների եւ Ադրբեջանի տարածքային ամբողջականությունն ու անկախությունը պաշտպանելու գործում ցուցաբերած անվեհեր քաջության համար:
Մեկ այլ որոշմամբ էլ Ադրբեջանի նախագահը կառավարությանը հանձնարարել է հավերժացնել Իբրահիմովի հիշատակը` նրա ծննդավայր Բիլյասավուրի շրջանում նրա անվամբ կոչելով փողոց եւ միջնակարգ դպրոց: