ԵԽ ՄՈՆԻՏՈՐԻՆԳԻ ԽՈՒՄԲԸ ԿԱՅՑԵԼԻ ԼՂՀ
Աջակցիր «Ա1+»-ինՄարտի 11-ին Բուդապեշտում կայացել է Եվրախորհրդի մոնիտորինգի հանձնաժողովի նիստը: Նիստի ընթացքում որոշվել է, որ ապրիլի 8 - 12 Եվրախորհրդի մոնիտորինգի խմբերը կայցելեն Հայաստան եւ Ադրբեջան: Ապրիլի 8-9-ը խմբերը կլինեն Լեռնային Ղարաբաղի հանրապետությունում: Այս մասին մեզ հայտնել է ԱԺ պատգամավոր, արտաքին հարաբերությունների հարցերի հանձնաժողովի նախագահ Հովհաննես Հովհաննիսյանը:
ԵԽ ներկայացուցիչները Լեռնային Ղարաբաղ են մեկնելու, քանի որ Ադրեբաջանը ԵԽ Խորհրդարանական Վեհաժողովում բազմիցս Լեռնային Ղարաբաղին մեղադրել էր թմրանյութերի տարածման եւ Ադրբեջանական մշակույթի արժեքները ոչնչացնելու համար:
Հովհաննիսյանը նաեւ տեղեկացնում է, որ հունիսի 12-16 Հայաստանում կայանալու է Եվրախորհրդի բնապահպանության հանձնաժողովի արտագնա նիստը: Նիստի շրջանակներում հանձնաժողովի անդամները կայցելեն Ատոմակայան :