• Արտակարգ իրավիճակ Լոռու մարզում (տեսանյութ)

    Հունիսի 28-ին Լոռու մարզում տեղացած հորդ անձրեւի հետեւանքով արտակարգ իրավիճակ է ստեղծվել:

     Վանաձորի թիվ 24 դպրոցի բակը, նկուղը եւ առաջին հարկը ողողած ջրերն սկսել են հոսել քաղաքի Ներսիսյան ու Սանկտ-Պետերբուրգյան փողոցներով:

    Սարերից իջնող անձրեւաջրերը ողողել են մարզի Գուգարք ու Շահումյան գյուղերը: Ջրաբեկորները, լցվելով սելավատարերը, փակել են ջրի հունը, ինչի հետեւանքով ջուրը հոսել է փողոցներով ու լցվել բնակելի տների առաջին հարկերը, օժանդակ կառույցներն ու տնամերձ հողամասերը:

    Ստեղծվել է փրկարարական երեք աշխատանքային խումբ’ վթարավերականգնողական  աշխատանքների իրականացման համար: 

    Շահումյան գյուղ է մեկնել մարզային փրկարարական ջոկատը, Վանաձորի թիվ 24 դպրոց’ մեկ մարտական հաշվարկ:

    Փրկարարները գետի ափապաշտպան պատի վրա անցք են բացել ու ջրի հոսանքն ուղղել դեպի հունը:

    Մարզպետի կարգադրությամբ վթարավերականգնողական աշխատանքներում ներգրավվել են Լոռու ՙՋրմուղ կոյուղի՚ ՓԲԸ-ի, ՙՀայռուսգազարդ՚ ՓԲԸ-ի եւ ՙԴեբեդ՚ մասնաճյուղի ՓԲԸ-ի աշխատակիցներն ու տեխնիկան:

    Կատարվել են սելավատարերն ու փողոցները ջրաբեկորներից մաքրելու, բնակելի տներից ջրահեռացման աշխատանքներ:

    Ժամը 22.30-ին սահմաններում աշխատանքները հիմնականում ավարտվել են, բնակչությանը սպառնացող վտանգը’ վերացվել:

    Զոհեր եւ վիրավորներ չկան:

    Գուգարք եւ Շահումյան գյուղերի սելավատարերի ու ճանապարհների մաքրման աշխատանքները կշարունակվեն հունիսի 29-ին:

    Կարկուտ

    Նույն օրը, ժամը 16.00-ից 16.30-ի սահմաններում Գեղարքունիքի մարզում տեղացած կարկուտը վնասել է մարզի Աղբերք գյուղի բնակիչների տների տանիքների թիթեղները, ցանքատարածքներն ու հոսանքալարերը, ինչպես նաեւ Շորժա գյուղի տների տանիքները, ցանքատարածքները եւ պտղատու այգիները:

    Էլեկտրական ցանցի աշխատակիցների կողմից կատարվում են վերականգնողական աշխատանքեր:

    Ստեղծվել են հանձնաժողովներ’ վնասի չափերը պարզելու համար:

    Այդ մասին հայտնում են Փրկարար ծառայության մամլո բաժնից:

  •