ՍԱՀՄԱՆՈՒՄ ԽԱՂԱՂ Է
Աջակցիր «Ա1+»-ինՀունվարի 15-ին ԵԱՀԿ առաքելությունն անց է կացրել Ադրբեջանի եւ Լեռնային Ղարաբաղի զինված ուժերի շփման գծի պլանային դիտարկում՝ Աղդամի ուղղությամբ :
ԼՂՀ պաշտպանության բանակի դիրքերից դիտարկումն իրականացնում էին ԵԱՀԿ գործող նախագահի անձնական ներկայացուցչի դաշտային օգնականներ Կարել Կրատկին /Չեխիա/, Յան Ռեպան /Սլովակիա/ եւ Քենեթ Փիցքլեսը /Մեծ Բրիտանիա/ :
Դիտարկումն անցել է ըստ նախատեսված ժամանակացույցի, կրակի դադարեցման ռեժիմի խախտումներ չեն արձանագրվել:
Դիտարկման ընթացքում կարճատեւ ռադիոփոխանակում է կայացել ԼՂՀ եւ Ադրբեջանի զինված ուժերի՝ պաշտպանության տվյալ տեղամասի համար պատասխանատու սպաների միջեւ:
Ղարաբաղյան կողմից ԵԱՀԿ առաքելությանն ուղեկցում էին ԼՂՀ պաշտպանության նախարարության եւ արտաքին գործերի նախարարության ներկայացուցիչները։