ԿՓՈՐՁԻ ՊԱՀՊԱՆԵԼ ԳԱՎԱԹԸ
Աջակցիր «Ա1+»-ինՎաղը Ռուսաստանի Խանտի-Մայնսիսկ քաղաքում մեկնարկում է շախմատի 2007թ. աշխարհի գավաթի խաղարկությունը: 2005թ. խաղարկությունում հաղթողի կոչումը նվաճել էր Լեւոն Արոնյանը, որը այս անգամ հանդես կգա որպես գործող գավաթակիր:
Հենց այս հաջողությունից հետո Արոնյանը մեծ անուն հանեց շախմատային աշխարհում եւ ոգեչնշվելով հաղթանակով մի քանի ամիս անց հաղթեց նաեւ Լինարեսի հեղինակավոր մրցաշարում: Որոշ ժամանակ անց Արոնյանը Հայաստանի հավաքականի կազմում արդեն հաջողության հասավ համաշխարհային օլիմպիադայում:
Աշխարհի գավաթը առանձնանում է նրանով, որ այն անցկացվում է օլիմպիական մրցակարգով, այսինքն պարտվողը թողնում է պայքարը: 1-ին փուլին` 1/64-րդ եզրափակիչին կմասնակցեն 124 շախմատիստներ, որոնց թվում կլինեն Լեւոն Արոնյանը, Վլադիմիր Հակոբյանը եւ Զավեն Անդրեասյանը: Աշխարհի գավաթի խաղարկությանը կմասնակցի նաեւ Վարուժան Հակոբյանը, որը հանդես կգա ԱՄՆ-ի դրոշի ներքով:
Լեւոն Արոնյանի մրցակիցը կլինի Խուան Պաբլո Հոբական Արգենտինայից: Ընդամենը 2427 վարկանիշ ունեցող մրցակից հետ մրցավեճում Արոնյանը առանձանապես խնդիրներ չի կարող ունենալ: Վլադիմիր Հակոբյանը կմրցեի Ուզբեկստանը ներկայացնող Անտոն Ֆիլիպովի հետ, իսկ Զավեն Անդրեասյանը` ԱՄՆ-ի ներկայացուցիչ Ալեքսանդր Օնիշչուկի:
Խաղացանկ
24.11.07 1/64-րդ եզրափակիչ 1-ին պարտիա
25.11.07 1/64-րդ եզրափակիչ 2-րդ պարտիա
26.11.07 Թայ-բրեյք
27.11.07 1/32-րդ եզրափակիչ 1-ին պարտիա
28.11.07 1/32-րդ եզրափակիչ 2-րդ պարտիա
29.11.07 Թայ-բրեյք
30.11.07 1/16-րդ եզրափակիչ 1-ին պարտիա
1.12.07 1/16-րդ եզրափակիչ 2-րդ պարտիա
2.12.07 Թայ-բրեյք
3.12.07 1/8-րդ եզրափակիչ 1-ին պարտիա
4.12.07 1/8-րդ եզրափակիչ 2-րդ պարտիա
5.12.07 Թայ-բրեյք
6.12.07 1/4-րդ եզրափակիչ 1-ին պարտիա
7.12.07 1/4-րդ եզրափակիչ 2-րդ պարտիա
8.12.07 Թայ-բրեյք
9.12.07 Կիսաեզրափակիչ 1-ին պարտիա
10.12.07 Կիսաեզրափակիչ 2-րդ պարտիա
11.12.07 Թայ-բրեյք
12.12.07 Ազատ օր
13.12.07 Եզրափակիչ 1-ին պարտիա
14.12.07 Երափակիչ 2-րդ պարտիա
15.12.07 Եզրափակիչ 3-րդ պարտիա
16.12.07 Եզրափակիչ 4-րդ պարտիա
17.12.07 Թայ-բրեյք