Բացել լրահոսը Փակել լրահոսը
A A

ԼՂ հակամարտությունը հնարավոր է լուծել միայն խաղաղ ճանապարհով. Ապատուրայ (տեսանյութ)

Քաղաքականություն
apaturay

ՆԱՏՕ-ի գլխավոր քարտուղարի քաղաքական հարցերով փոխտեղակալ, Կովկասում և Կենտրոնական Ասիայում ՆԱՏՕ-ի Գլխավոր քարտուղարի հատուկ ներկայացուցիչ Ջեյմս Ապատուրայը շնորհակալություն հայտնեց ՀՀ իշխանություններին ու հայ ժողովրդին ընդունելության համար։

Ապատուրայը շեշտում է, որ Հայաստանի համագործակցությունը ՆԱՏՕ-ի հետ օգնում է նաև այլ խաղաղարար առաքելությունների մասնակցելու հարցում։

Գլխավոր ներկայացուցիչը կարևորեց «Կանայք հանուն խաղաղության և անվտանգության» նախաձեռնությունն ու դրա կարևորությունը տարածաշրջանում խաղաղության և անվտանգության պահպանման տեսանկյունից։

Ապատուրայը ընդգծեց, որ ԼՂ հակամարտությունը հնարավոր է լուծել միայն խաղաղ ճանապարհով՝ կոչ անելով երկու կողմերին զերծ մնալ պատերազմական գործողություններից։

Հյուսիսատլանտյան դաշինքը, Ապատուրայի փոխանցմամբ, չի մասնակցում հակամարտությունների կարգավորմանը, սակայն ողջունում է ԵԱՀԿ Մինսկի խմբի գործողությունները Լեռնային Ղարաբաղի հակամարտության խաղաղ կարգավորման հարցում։