Հենրիխ Մխիթարյանը՝ «Ռենի» հետ խաղի հայտացուցակում
Լոնդոնի «Արսենալը» պատրաստվելով ֆուտբոլի Եվրոպայի լիգայի 1/8 եզրափակիչ փուլի առաջին խաղին, այսօր առավոտյան մարզում է անցկացրել իր մարզաբազայում՝ Քոլնիում:
Դրան մասնակցել են այն 18 ֆուտբոլիստները, որոնք թիմի կազմում կմեկնեն Ֆրանսիա, «Ռենի» հետ արտագնա խաղին: Նրանց թվում է նաեւ Հայաստանի հավաքականի ավագ Հենրիխ Մխիթարյանը, որը բարձր տրամադրությամբ է ներկայացել այսօր պարապմունքին (տես նկարը):
«Արսենալի» հիմնական կազմի խաղացողներից բացակայում է միայն ֆրանսիացի հարձակվող Ալեքսանդր Լյակազետը, որը նախորդ խաղում կարմիր քարտ էր ստացել եւ որակազրկվել ՈՒԵՖԱ-ի կողմից: Նրա կփոխարինի 19-ամյա Էդի Նկետիան, որն առայժմ 5 խաղ է անցկացրել մեծահասակների թիմում:
Նշենք, որ Եվրոպայի լիգայի 1/8 եզրափակիչի առաջին հանդիպումը «Ռենի» եւ «Արսենալի» միջեւ կկայանա վաղը, մարտի 7-ին, Երեւանի ժամանակով 21:55-ին:
