Եթե պայմանավորեմ, պահանջեք իմ հրաժարականը.Արսեն Թորոսյան (տեսանյութ)
Մեր գործողությունները պայմանավորված չեն անձերով , ոչ էլ իրենց ազգակցական կապերով . պայքարը ստվերի դեմ շարունակական է լինելու,- ասում է Առողջապահության նախարարի պաշտոնակատար Արսեն Թորոսյանը։ Ըստ նրա՝ այս ամենն արվում է Հայաստանի առողջապահական համակարգի բարեփոխման նպատակով միայն ու միայն։ Իսկ որպեսզի իր ասածը հավաստի հնչի, նա շարունակում է. « Եթե պայմանավորեմ այդ ժամանակ պիտի պահանջեն իմ հրաժարականը»։ «Ոչ նախարար Արսեն Թորոսյանը ոչ մի կապ չունի նախարար Արսեն Թորոսյանի հետ,- ասում է նա՝ տեղեկացնելով, որ այս մասին հայտնել է նախարարության աշխատակիցներին հենց նշանակման օրը,- Այսինքն՝ չկա անցյալ,այսինքն՝ անցյալում ում հետ ես ինչ հարաբերություն եմ ունեցել, կապ չունի, ես առաջնորդվում եմ միայն հանրային շահով»։ Ինչ ժառանգություն է ստացել նախարար Արսեն Թորոսյանը նախկին իշխանություններից։ «Ժառանգությունը, իհարկե, ոլորտային չէր. ծանր է ամբողջ կառավարությանը բաժին հասած ժառանգությունը նախկին իշխանություններից, որը ստիպում է մեզ արագ այնպիսի քայլերի գնալ, որ որեւէ ոլորտում ճգնաժամային վիճակների չհասնենք»,- ասում է նա։ Եթե Արսեն Թորոսյանը մնա խորհրդարանում, ինչպես կգնահատի նրա աշխատանքը Առողջապահության հաջորդ նախարարը. «Երեւի ինքը պետք է գնահատի. Ես ամեն դեպքում ասել եմ, որ իմ գործողությունները ուղղված են եղել միայն բնակչության եւ պետության արդյունավետության, եւ ոչ թե իմ կամ մեկ ուրիշի անձնական շահի համար , եւ դա կարելի է գնահատել նաեւ հիմա»,- «Ա1+»-ին ասաց Արսեն Թորոսյանը։ «Իմ քայլը» դաշինքի պատգամավորի թեկնածու, Առողջապահության նախարարի պաշտոնակատար Արսեն Թորոսյանի հետ զրույցն ամբողջությամբ՝ տեսանյութում