A
A
Մունդիալ-2018. Ուրուգվայցի Կավանին Ռոնալդուին «ուղարկեց» Պորտուգալիա (տեսանյութ)
Ֆուտբոլի Ուրուգվայի հավաքականը աշխարհի առաջնության 1/8 եզրափակիչ փուլի խաղում հաղթանակ տարավ եւ պայքարից դուրս թողեց Եվրոպայի գործող չեմպիոն Պորտուգալիային հավաքականին: Հանդիպման հերոս դարձավ ուրուգվայցի հարձակվող Էդինսոն Կավանին, որը յուրաքանչյուր խաղակեսում մեկական գոլ խփեց եւ դուբլի հեղինակ դարձավ: Պորտուգալիայի հավաքականից պատասխան միակ գնդակը հեղինակեց Պեպեն: Իսկ ահա աշխարհի լավագույն ֆուտբոլիստ Քրիշտիանու Ռոնալդուին ոչնչով աչքի չընկավ եւ չկարողացավ փրկել իր թիմին պարտությունից: Ուրուգվայի հավաքականը 2:1 հաշվով հաղթանակ տարավ եւ մտավ քառորդ եզրափակիչ, որտեղ նրան սպասում էր Ֆրանսիայի ընտրանին, որը մինչ այդ խաղը 4:3 հաշվով առավելության էր հասել Արգենտինայի ազգային թիմի նկատմամբ:
