A
A
Լեւոն Արոնյանը առաջատար եռյակում է (տեսանյութ)
Բելգիայի Լյովեն քաղաքում այսօր մեկնարկել է Grand Chess Tour շախմատային մրցաշարի առաջին փուլը: Արագ շախմատի մրցումների երեք տուրից հետո մրցաշարային աղյուսակը 5 միավորով գլխավորում է ամերիկացի Ուեսլի Սոն: Նրան հաջորդում են Լեւոն Արոնյանն ու Սերգեյ Կարյակինը, որոնք իրենց ակտիվում ունեն 4-ական միավոր: Մեր շախմատիստն առաջին եւ երրորդ տուրերում հաշտություն կնքեց համապատասխանաբար Ալեքսանդր Գրիշչուկի եւ Վիշվանաթան Անանդի հետ, իսկ 2-րդում հաղթեց Հիկարու Նակամուրային: Վաղը կկայանան 4-6-րդ տուրերի պարտիաները: Լեւոն Արոնյանը հաջորդաբար կմրցի Շահրիյար Մամեդյարովի, Անիշ Գիրիի եւ Ուեսլի Սոյի հետ: Հավելենք, որ այս մրցաշարում հաղթանակի համար տրվում է 2, իսկ ոչ-ոքիի համար մեկ միավոր:
