Կարկուտը վնաս է հասցրել ՇՄ մի շարք համայնքների (տեսանյութ)

Այսօր տեղացած ուժեղ կարկուտի հետեւանքով խցանումներ են եղել քաղաքի մի շարք փողոցներում: Անձրեւաջրերը հեղեղատարների միջով անարգել չեն կարողացել հոսել: Տեղացած կարկուտը նաեւ մարզի մի քանի տասնյակ գյուղական բնակավայրերին է վնաս հասցրել:

Կարկուտից անմիջապես հետո Շիրակի մարզպետարանի գյուղվարչություն ստացվել են բազմաթիվ ահազանգեր: Ինչպես «Այսօր» լրատվականին տեղեկացրել է վարչության պետ Մովսես Մանուկյանը, կկազմվի համապատասխան հանձնաժողով՝ տվյալ համայնքներում կարկուտի հասցրած վնասների չափերը ճշտելու ուղղությամբ:

Նշենք նաեւ, որ մարզի մի քանի համայնքներում նախքան կարկուտի տեղալը, գործարկվել են նաեւ հակակարկտային կայանները: