A
A
Երեւանի կենտրոնը ցուցարարների հսկողության տակ է (տեսանյութ)
Կես ժամից ավել է Աբովյան-Թումանյան խաչմերուկը ցուցարարների հսկողության տակ է: Սկզբում նրանց թիվը քիչ էր, ավելի ուշ մեծաթիվ դարձան: Նրանք ամբողջությամբ փակել են խաչմերուկի 4 մուտքերը: Այս ընթացքում ցուցարարների մեկ այլ խումբ անցավ այդ ուղղությամբ եւ շարժվեց դեպի Խանջյան փողոց:
Տերյան-Թումանյան փողոցը փակվեց ոստիկանական 2 մեքենաների կողմից: Այդ հատվածում երթեւեկությունը դադարեցված է:
Մաշտոց-Պուշկին խաչմերուկում քաղաքացիները պարբերաբար փակում են փողոցը, հետո ոստիկանների միջամտությամբ այն բացվում է: Վարորդները մեքենաները կայանում են խաչմերուկին հարակից տարածքում, փակում դռները եւ հեռանում:
Մաշտոց-Թումանյան խաչմերուկում ոստիկանները բերման ենթարկեցին մի վարորդի, ում մեքենան խցանվել էր այդ հատվածում: Ըստ ցուցարարների, մեքենան հնարավորություն չուներ այդ հատվածից դուրս գալու: Այնուհետեւ ոստիկանները թուլացրին մեքենայի անիվները՝ այն տուգանային հրապարակ տանելու համար:
