Պարզ է՝ ով է մեր թեկնածուն լինելու՝ Սերժ Սարգսյանը. Շարմազանով (տեսանյութ)
ՀՀԿ-ն սկսեց քննարկումները ապագա վարչապետի հետ կապված եւ որոշումը կկայացվի ՀՀԿ խորհրդի նիստում, որը կկայանա ապրիլի 14-ին։ Սակայն դա զուտ ինստիտուցիոնալ է։ ՀՀԿ գործադիր մարմնի նիստից հետո հայտարարեց ՀՀԿ խոսնակը «Պարզ է՝ ով է մեր թեկնածուն լինելու՝ Սերժ Սարգսյանը»,- ասաց էդուարդ Շարմազանովը։ Նրա խոսքով՝ այլ անուն չի էլ քննարկվել։ ՀՀԿ առաջնորդ Սերժ Սարգսյանը լավագույն թեկնածուն է: ՀՀԿ-ն առաջնորդվել է իրենց միակ պատվիրատուի՝ՀՀ քաղաքացիների կամքով,- ՀՀԿ ԳՄ նիստից հետո հայտարարեց ՀՀ ԱԺ փոխնախագահ Էդուարդ Շարմազանովը: «Սերժ Սարգսյանը վերջին 30 տարվա ընթացքում մշտապես առաջնորդվել է պետական շահի գերակայությամբ, այլ ոչ սեփական շահով: ՀՀԿ անդամները բարձր են գնահատում նրա նվիրվածությունը, փորձը եւ իմաստությունը: Մեր մտքով այլ թեկնածու չի էլ անցել»,-ասաց նա։ Նա իր խոսքում շնորհակալություն հայտնեց Սերժ Սարգսյանին եւ ներկայացրեց նրա 10 տարվա ձեռքբերումները՝ ժողովրդավարության զարգացում, անվտանգության ամրապնդում, մարդու իրավունքների պաշտպանության եւ այլն: Ըստ նրա՝ շատ բան է փոխվել 2008-ից առ այսօր եւ բնականաբար դեպի լավը։ Նիստում քննարկվել է նաեւ Կարեն Կարապետյանի 1,5 տարվա գործունեությունը: ՀՀԿ-ում չեն քննարկել առաջին փոխվարչապետի ու երկու փոխվարչապետերի թեկնածության հարցերը ։ «Բոլոր այդ հարցերին ժամանակ կունենանք անդրադառնալու, խորհրդի նիստին կքննարկենք այդ հարցը, այս պահին մենք միայն պետք է ներկայացնենք ԱԺ վարչապետի թեկնածուին»,- ասաց ՀՀԿ խոսնակ Էդուարդ Շարմազանովը: Շաբաթ օրը կհրապարակվեն նոր կառավարության անդամների անունները։