A
A
Լեւոն Արոնյանը պարտվեց նաեւ Սերգեյ Կարյակինին
Բեռլինում կայացավ շախմատի հավակնորդների մրցաշարի 11-րդ տուրը: Մեր շախմատիստ Լեւոն Արոնյանը սպիտակներով հանդիպեց Սերգեյ Կարյակինի հետ եւ ցավալի պարտություն կրեց: Նշենք, որ նախորդ տուրում նա տանուլ էր տվել վերջինիս հայրենակից Վլադիմիր Կրամնիկին: Լեւոն Արոնյանը 3,5 միավորով շարունակում է եզրափակել աղյուսակը: Նա վերջնականորեն դուրս մնաց եզրափակիչ փուլի ուղեգրի համար պայքարից: Սերգեյ Կարյակինը երրորդ հաղթանակը տարավ մրցաշարում, վաստակեց 6 միավոր եւ ավելի մոտեցավ առաջատար Ֆաբիանո Կարուանային: Այժմ նրանց բաժանում է ընդամենը մեկ միավոր: Հաջորդ 12-րդ տուրում Լեւոն Արոնյանը սեւերով կհանդիպի ռուսաստանցի մեկ այլ շախմատիստ՝ Ալեքսանդր Գրիշչուկի հետ:
