A
A
Գեղասահքի Հայաստանի պարային զույգը դուրս մնաց պայքարից
Միլանում ընթացող գեղասահքի 2018թ աշխարհի առաջնությունում այսօր պայքարի մեջ մտան պարային զույգերը: Թինա Կարապետյան-Սայմոն Սենեկալ հայկական զույգը կարճ ծրագրում վաստակեց 58,64 միավոր եւ զբաղեցրեց 22-րդ տեղը: Ավաղ, մեր մարզիկներին չհաջողվեց տեղ զբաղեցնել ուժեղագույն 20-յակում եւ մտնել եզրափակիչ փուլ: Սակայն նրանց հաջողվեց առաջ անցնել Ֆինլանդիայի, Անգլիայի, Սլովակիայի, Չեխիայի, Հունգարիայի, Բելառուսի, Բուլղարիայի, Ավստրալիայի եւ Իսրայելի ներկայացուցիչներից: Ինչպես արդեն հայտնել ենք, Հայաստանի մենասահորդ Սլավիկ Հայրապետյանը այս առաջնությունում հաղթահարել է որակավորման փուլը եւ մարտի 24-ին հանդես կգա եզրափակիչ մրցաշարում: