ՀՀԿ անդամատոմսը նետեց նախագահականի դիմաց (տեսանյութ)
Գյումրեցի Ռուզաննա Ադանալյանն այսօր ՀՀԿ-ի իր անդամատոմսը նետեց նախագահական նստավայրի դիմաց: «Եկել եմ նախագահին, որպես կուսակցակայն ընկեր հայտնեմ, որ հրաժարվում եմ այս տոմսից եւ անամոթություն եմ համարում լինել այս կուսակցության անդամը, որքան հասկացա ՀՀԿ-ական են բոլոր իրավապահ պաշտոնատար անձինք, ովքեր ներկա պահին հանցագործներ են, ուստի անպատվաբեր է ինձ համար լինել հանցավոր կուսակցության ներսում»,- ասաց Ռուզաննա Ադանալյանը: Ռուզաննա Ադանալյանն արդեն չորս տարի պայքարում է 25-ամյա որդու՝ Արտյոմ Ադանալյանի սպանության իրական մեղավորներին պատասխանատվության ենթարկելու և արդարադատության կայացման համար: Շիրակի մարզի ընդհանուր իրավասության դատարանը գործով միակ ամբաստանյալին՝ Արթուր Մարտիրոսյանին, դատապարտվել է 11 տարվա ազատազրկման: Ռուզաննա Ադանալյանը պնդում է՝ որդու սպանությունը եղել է խմբակային և ոչ թե մեկ անձի կողմից, ինչպես ներկայացված է քրեական գործում: Իսկ նախաքննական մարմինը կոծկել է ամեն ինչ եւ այսօր միայն մեկ անձ է պատիժը կրելու: