«Ահաբեկչություն էր». Գոռ Վարդանյան (տեսանյութ)
Երեւանի քաղաքապետի խորհրդական Գոռ Վարդանյանը շարունակում է պնդել՝ փետրվարի 13-ին Երևանի քաղաքապետարանի ավագանու նիստում ահաբեկչություն է կանխել, երբ բռնություն է կիրառել ավագանու կին անդամի նկառմամբ։ «Ահաբեկչության մեջ չկա հասկացություն կին, տղամարդ կամ երեխա: Եթե անձը թույլ է տալիս իրեն մասսայական միջավայրում կամ պետական մարմիններում նմանատիպ պահվածք դրսեւորել, այդ պահին բացառվում է եւ մի կողմ է մնում տղամարդ, կին, երեխա հասկացությունը»,- «Ա1+»-ին ասաց Երեւանի քաղաքապետի խորհրդական Գոռ Վարդանյանը: Այդ օրը Երևանի քաղաքապետարանի ավագանու նիստում ծեծկռուք էր տեղի ունեցել «Երկիր Ծիրանի»-ի ավագանու անդամների ու Հանրապետական խմբակցության անդամների միջև։ «Երկիր Ծիրանի» խմբակցության կանայք նիստին տարաներով բերել էին Նուբարաշեն համայնքի կոյուղաջուրը` փորձելով ուշադրություն հրավիրել համայնքում տարիներ շարունակ չլուծվող խնդրին։ «Տեսանյութերը եթե լավ դիտեք ես մազերից չեմ քաշում, ես ընդամենը ցանկացել եմ դուրս հրավիրել»,- ասաց միջադեպի մասնակից Վասպուրական Մարտիրոսյանը: Երեւանի քաղաքապետի տեղակալ Դավիթ Օհանյանը էլ ավելացնում է. «Ես տեսել եմ մարդ, ով իր չափերից դուրս է եկել , անհավասարակշիռ վիճակում փորձում էր գործողություն իրականացնել, անունը կտան իրավապահները ինչ գործողություն է եղել: Ես փորձել եմ ընդամենը կանխել»: Միջադեպի առիթով հարուցվել է քրեական գործ խուլիգանության եւ ծեծի հատկանիշներով: Մինչ քրեական գործ կհարուցվեր, քաղաքապետի խորհրդական Գոռ Վարդանյանը դեպքի հետ կապված հենց փետրվարի 13-ին բացատրություն է տվել իրավապահ մարմիններին: «Ես այն մարդկանցից մեկն է, որ գտնում է, որ օրինական ընթացք պետք է տրվի այս ամենին» Սակայն առայժմ հարցաքննության նա չի կանչվել:Երևանի ավագանու նիստին տեղի ունեցածի կապակցությամբ ոստիկանություն հաղորդում էին ներկայացրել 2 կողմերն էլ:
