Նվեր-քարտ ստանալու համար «Երկիր Ծիրանիի» գործավարուհուն ստիպում են ազատվել աշխատանքից (տեսանյութ)
Խոսելով Երևանի 2017 թ. բյուջեի կատարողականի մասին՝ «Երկիր Ծիրանի» խմբակցության անդամ Մարինա Խաչատրյանը նշեց, որ միլիոնավոր դոլարներ են մսխվել, սակայն քաղաքի բազմաթիվ խնդիրներ մնում են չլուծված: «Հիմնադրամներին մեծ գումարներ են փոխանցվում և վերջերս միջադեպը, երբ նվիրվեցին մարտիության, մենք ճշտել ենք, 403 քարտ է ձեռք բերվել, նշվում է «Երևան» հիմնադրամի միջոցներով և յուրաքանչյուր քարտի վրա, ըստ մեզ հասած տեղեկությունների՝ 20-200 000, բայց ըստ իրենց ներկայացրած փաստաթղթի՝ 20 000 դրամ գումար է եղել: Եվ երբ հաշվարկ ես անում, այդ գումարը կազմել է 8 մլն դրամ կամ 16 000 դոլար, այդ գումարը «Երևան» հիմնադրամը որևէ տեղից չի արտադրում, այդ գումարը հիմնադրամին փոխանցվում է մեր քաղաքային բյուջեից»,- ասաց տիկին Խաչատրյանը: Քաղաքապետ Տարոն Մարգարյանը հակադարձեց. «Ձեր ճշտումների հետ կապված՝ 20, թե՞ 200 000, հենց ձեր գործավարից ճշտեք, թե ինչքան են ստացել: Այն գործավարից, որ ստանալու համար դուք ստիպում եք աշխատանքից ազատվել»: