Հարկ են ուզում հողից, որը ադրբեջանցիների թիրախում է (տեսանյութ)
Ներքին Կարմիրաղբյուրի բնակիչ Հայկազ Վարդանյանն անակնկալի է եկել, երբ իրենից պահանջել են վճարել հողի հարկը։ « Հարկ են ուզում այն հողից,որը չես կարող մշակել»,- ասում է նա։ Իսկ չմշակվող հողը քիչ չէ. 4000 հեկտար խաղողի այգի, որն անմշակ է մնում ադրբեջանական թիրախում լինելու պատճառով։ Հայրենիքի պաշտպանության գործում ներդրում ունեցած տղամարդը պատրաստ է վճարել ցանկացած հարկ, եթե հնարավորություն լինի մշակելու հողատարածքը ։ Եթե կարողանար հողն օգտագործել. ապրուստի մշտական միջոց կունենար։ Հիմա որդու ուղարկած գումարների հույսին են. «Տղաս աշխատում է Ռուսաստանում, փող է ուղարկում, ապրում ենք»։ Ներքին Կարմիրաղբյուրի բնակիչների մեծ մասը հողից է եկամուտ ակնկալում, քանի որ քչերն են անասնապահությամբ զբաղվում։ Գյուղացին առայժմ չի դժգոհում թանկացումներից. «Ձմեռվա սեզոնին չի ազդել , ամառը աշխատածն են դեռ ուտում»: Բայց ազդեցությունը չի ուշանալու, երբ սկսվեն գարնանացանի աշխատանքները. «Պիտի սալյարկա առնենք, որ գարնանացան անենք, հողը վարենք, թանկացել է»։ Ներքին Կարմիրաղբյուրի բնակիչը հետեւում է քաղաքական զարգացումներին, բայց չի ուզում խոսել այդ թեմայով։ Ե՞րբ է իրենց ձայնը տեղ հասնում։ Պատգամավորի միջոցով խնդիրները բարձրաձայնելու հարցին էլ ի պատասխան՝ կատակում է. «Ունենք որ...» Հայկազ Վարդանյանը իր տանը հյուրընկալել է «Դասավանդիր Հայաստան» ծրագրով գյուղում աշխատող ուսուցչուհիներից մեկին։ Դուստրն էլ՝ Նարինեն, նույն ծրագրով Արցախում է դասավանդում։ Լուսանկարում՝ Վարդանյանենց սենյակներից մեկի պատը