«Մի՛ ջղայնացեք, պարոն Հակոբյան». Արփինե Հովհաննիսյան

Այսօր Ազգային Ժողովում քննարկվում էր «Պետական պաշտոններ զբաղեցրած անձանց սոցիալական երաշխիքների մասին» օրենքում փոփոխություններ և լրացումներ կատարելու մասին օրինագիծը:

ՀՀ Ազգային Ժողովի Առողջապահական և սոցիլական հարցերի մշտական հանձնաժողովի նախագահ Հակոբ Հակոբյանը ելույթում նշեց, որ փոփոխություններն արված է սերնդափոխությունն ապահովելու համար:

Ըստ այդ փոփոխությունների՝ պետական պաշտոններ զբաղեցրած անձինք կենսաթոշակի տարիքի հասնելուց հետո կստանան կենսաթոշակ մի պայմանով, որ պետական համակարգում չպիտի աշխատեն:

«Սա խտրականություն չէ, սա պետական սոցիալական քաղաքականություն է: Կենսաթոշակը ձեռք բերած իրավունք է, և մարդը պետք է ստանա»:

Հանրապետական պատգամավոր Խոսրով Հարությունյանը և «Ելք» խմբակցության պատգամավոր Արտակ Զեյնալյանը նշեցին, որ օրինագիծը հակասահմանադրական է, և այդպիսով մարդը զրկվում է կենսաթոշակ ստանալու իրավունքից:

Հակոբ Հակոբյանը հակադարձեց, ասելով, որ մարդկանց չեն զրկում կենսաթոշակ ստանալու իրավունքից: Կենսաթոշակը կտրամադրվի աշխատանքից դուրս գալու դեպքում: Նրա խոսքով՝ սա արվում է, որպեսզի պետական համակարգը ծերակույտ չդառնա:

Քննարկմանը միջամտեց ԱԺ փոխնախագահ Արփինե Հովհաննիսյանը:

«Մի՛ ջղայնացեք, պարոն Հակոբյան»: