A
A
Ռոջեր Ֆեդերերը գերազանցեց Անդրե Աղասիի ռեկորդը
Ամերիկահայ նախկին թենիսիստ Անդրե Աղասին շնորհավորել է շվեյցարացի Ռոջեր Ֆեդերերին կրկին աշխարհի առաջին ռակետ դառնալու կապակցությամբ: «36 տարեկան եւ 195 օրական: Ռոջեր Ֆեդերերը շարունակում է բարձրացնել սահմանագիծը մեր մարզաձեւում: Շնորհավորում եմ նրան հերթական նվաճման համար», - իր թվիթերյան էջում գրել է «Մեծ սաղավարտների» ութակի հաղթող Անդրե Աղասին: Ռոջեր Ֆեդերերը նման շնորհավորանքի է արժանացել այն բանի համար, որ Ռոտերդամի մրցաշարում հաղթելով հոլանդացի Ռոբին Հասին, դարձել է աշխարհի ամենատարեց առաջին ռակետը: Մինչ այդ ռեկորդը պատկանում էր Անդրե Աղասիին, որը պրոֆեսիոնալ թենիսիստների վարկանիշային աղյուսակը գլխավորել էր 33 տարեկան 133 օրական հասակում: