Այս նախագծով ունենալու ենք 32 մլրդ-ի բյուջետային ճեղքվածք. փոխնախարար (տեսանյութ)
Ակցիզային հարկի դրուքաչափերի բարձրացումը, ավելացումը, չակերտավոր ասած՝ այն չարիքի փոքրագույնն էր, որ պետք է բերեր բիզնես միջավայրի գործարարության աջակցման ոլորտի աշխուժացմանն ուղղված անբարենպաստ հետեւանքների չեզոքացմանը: Այսօր ԱԺ-ում «Ելք»-ի առաջարկով հրավիրված ԱԺ արտահերթ նիստին ասաց Ֆինանսների փոխնախարար Դավիթ Անանյանը: Նրա խոսքերով՝ կառավարությունը միտումնավոր գնաց այդ ճանապարհով: Իսկ երբ ուսումնասիրում էին մեր հարեւան երկրների փորձը՝ օրինակ Վրաստանում, ակցիզային դրույքաչափը 95,000 դրամ է, իսկ իրենք 8,350 –ից՝ բարձրացրել են 25,000. «Ինչո՞ւ 25000, որ այդ 20- 22 դրամի պարագայում վերադարձ կատարենք 2015 թ գներին»: Ըստ Դավիթ Անանյանի՝ այս առաջարկվող նախագծով ունենալու ենք 32 մլրդ-ի բյուջետային ճեղքվածք, «Ի՞նչ ունենք դրա դիմաց, ի՞նչ ենք առաջարկելու հանրությանը» Հիշեցնենք, որ «Ելք»-ի առաջարկված նախագծով առաջարկվում է վերադառնալ մինչև հունվար եղած Հարկային օրենսգրքով սահմանված դրույքաչափերին: Ըստ նախագծի հիմնավորման՝ 2018 թվականի հունվարի 1-ից ուժի մեջ մտած ՀՀ հարկային օրենսգրքով էներգակիրների (բենզին, դիզելային վառելիք, սեղմված բնական գազ) հարկային բեռի ավելացումը հանգեցրել է այդ և առաջին անհրաժեշտության ապրանքատեսակների գների բարձրացման: