Անի Զախարյանի գործով վճռաբեկ բողոք է ներկայացվել
«Նոր քաղաքական մշակույթ» կուսակցության նախագահ Անի Զախարյանի գործով դատախազը վճռաբեկ բողոք է ներկայացրել: Ինչպես տեղեկանում ենք «Դատալեքս» տեղեկատվական համակարգից, բողոքը ներկայացվել է փետրվարի 7-ին: Հիշեցնենք, որ Վերաքննիչ դատարանն արդարացրել է «Նոր քաղաքական մշակույթ» կուսակցության նախագահ Անի Զախարյանին: Մեքենայում գտնվող եւ գործով որպես վկա դատակոչված 5 ոստիկանների ցուցմունքները վերաքննիչ դատարանը համարել էր անարժանահավատ եւ իրարամերժ, քանի որ նրանք տարբեր ժամանակահատվածներում տարբեր ցուցմունքներ են տվել: Իսկ Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արշակ Վարդանյանը Անի Զախարյանին մեղավոր էր ճանաչել նախորդ տարվա հուլիսի 19-ին ոստիկանության մեքենայի ապակին կոտրելու հրահանգներ տալու համար առաջադրված մեղադրանքում: Մինչդեռ տեսանյութով ապացուցվել է, որ նման հայտարարությունը հնչում է տղամարդու կողմից:
