Սաակաշվիլիին Կիևում ձերբակալել են եւ արտաքսել

Ուկրաինայի հատուկ ծառայությունները Կիևի ռեստորաններից մեկում ձերբակալել են Վրաստանի նախկին նախագահ և Օդեսայի նահանգապետ Միխայիլ Սաակաշվիլիին: Նրա ձերբակալության տեսանյութը ֆեյսբուքյան էջում տեղադրել է նրա թիմակից Դավիթ Սակվարելիձեն:

Փետրվարի 5-ին Կիևի դատարանը մերժել էր Սաակաշվիլիի բողոքը իրեն Ուկրաինայում քաղաքական ապաստան չտալու Պետական միգրացիոն ծառայության որոշման դեմ: Ըստ փաստաբանի, այժմ նրան կարող են Վրաստան արտահանձնել, գրում է currenttime.tv-ին:

2017ի հուլիսին Ուկրաինայի նախագահը կասեցրել էր Սաակաշվիլիին Ուկրաինայի քաղաքացիություն շնորհելու գործընթացը: Որպես հիմք նշվել էր այն հանգամանքը, թե նա չէր հայտնել Վրաստանում իր դեմ հարուցված քրեական գործերի մասին և սխալ տեղեկություններ էր հայտնել:

Ուկրաինայի պետական սահմանապահ ծառայությունը հաստատել է Վրաստանի նախկին նախագահ, Ուկրաինայի Օդեսայի նահանգի նախկին նահանգապետ Միխեիլ Սաակաշվիլիի արտաքսումը Լեհաստան: Այս մասին հայտնում է РИА Новости-ն՝ հղում անելով ծառայության ղեկավարի խորհրդականին: