Ժիրայր Սեֆիլյանին 11 տարվա ազատազրկո՞ւմ (տեսանյութ)
Քիչ առաջ մեղադրող Հակոբ Ենոքյանը միջնորդեց Շուշիի առանձնակի գումարտակի հրամանատար Ժիրայր Սեֆիլյանին դատապարտել 11 տարվա ազատազրկման։ Մեղադրողը հիմնավորված համարեց Սեֆիլյանին առաջադրված բոլոր մեղադրանքները և նշեց, որ պատիժը մեղմացնող և ծանրացնող հանգամանքներ կան։ Մեղմացնող հանգամանքն է այն, որ Ժիրայր Սեֆիլյանը մասնակցել է ղարաբաղյան պատերազմին ,և խնամքին ունի անչափահաս երեխա, իսկ ծանրացնող հանգամանքն է որ նա առանձնապես ծանր հանցագործություն է ցանկացել իրականացնել։ Մեղադրող Հակոբ Ենոքյանըը միջնորդեց նաև Գևորգ Սաֆարյանին դատապարտել 4 տարի ժամկետով ազատազրկման։ Գործով մյուս ամբաստանյալներից՝ Սասունիկ Կիրակոսյանին՝ 4 տարի 6 ամիս, Ներսես Պողոսյանին՝ 4 տարի, Գալուստ Գրիգորյանին և Հրայր Թոփչյանին 3 ական տարի, իսկ Հովհաննես Պետրոսյանին 2 տարի ժամկետով։ Հենց Հովհաննես Պետրոսյանն է Ժիրայր Սեֆիլյանի դեմ ցուցմունք տվել։
